Home Aktualitet Habit policia: S’pati incidente mes tifozëve, në Kukësi-Legia!

Habit policia: S’pati incidente mes tifozëve, në Kukësi-Legia!

716
0
Sponsor

Në njoftimin për shtyp, Policia e kryeqytetit e largon përgjegjësinë e saj për ndërprerjen e ndeshjes Kukësi – Legia e Varshavës

 

Sponsori ynë

Policia e Tiranës me anë të një njoftimi për shtyp bëri të ditur se në ndeshjen e ndërprerë mes Kukësit dhe Legias së Varshavës nuk ka pasur asnjë incident mes tifozerive. Sipas deklaratës së Policisë së kryeqytetit, shkak i ndërprerjes ka qenë vetëm dëmtimi i një futbollisti të skuadrës polake nga goditja në kokë me një send të fortë që erdhi nga shkallët e stadiumit, ku nuk kishte tifozë.

“Në asnjë moment, në fillim, përgjatë dhe në përfundim të këtij aktiviteti sportiv, nuk është shënuar asnjë lloj incidenti, pasi Policia ka qenë në gatishmëri të plotë deri në momentin që janë larguar tifozët pas vendimit të pezullimit të ndeshjes sportive”, lexohet në njoftimin për shtyp, ku saktësohet se mes tifozerive ka pasur vetëm tension, por jo incidente.

“Gjatë përfundimit të pjesës së parë të ndeshjes, tifozët e Kukësit u revoltuan me rezultatin, duke e kontestuar atë dhe të ashpërsuar kanë reaguar ndaj tifozëve kundërshtarë, duke tentuar të afroheshin me tribunën e polakëve. Në këto momente, policia ka shmangur kontaktin fizik duke i rikthyer tifozët e Kukësit në vendet e tyre. Në minutën e 52-të ndeshjes, është parë një lojtar i shtrirë, i cili u shpreh se është goditur nga një send i pacilësuar se çfarë ishte dhe drejtimi nga kishte ardhur goditja e lojtarit nuk është përcaktuar, pasi zona në të cilën lojtari u rrëzua ishte pa tifozë”, thuhet në njoftim.

“Nga ana e arbitrit u bë ndërprerja e aktivitetit sportiv dhe lojtarët u shoqëruan për në mjedisin e brendshëm nga ana e policisë pa asnjë problem. Nga ky moment e në vazhdim nuk është shënuar asnjë incident ndërmjet tifozëve apo hedhje sendesh, ndërkohë që nga ana e përfaqësuesve të futbollit u mor vendimi për pezullimin e ndeshjes”, shtohet në njoftimin për shtyp të Policisë së Tiranës.

Sponsored b
Previous articleA ka përgjegjësi Policia e Shtetit për ngjarjet në ndeshjen Kukësi-Legia? (VIDEO)
Next articleKukësi bën gati mbrojtjen në UEFA