Home Aktualitet Skënderbeu i quan “huliganë” tifozët e Partizanit

Skënderbeu i quan “huliganë” tifozët e Partizanit

722
0
Sponsor

Skënderbeu i quan “huliganë” tifozët e Partizanit

Klubi korçar, një ditë pas ndeshjes me Partizanin, ka bërë bilancin e asaj dhune të tifozëve të Partizanit të hënën në mbrëmje në qytetin juglindor. Në fakt, kampionët nuk duan ta dinë se sa shkojnë dëmet, por evidentojnë faktin se sjellja e “demave” është si e huliganëve anglezë në vitin 1980. Edhe sot në Shqipëri ka mbetur kjo kulturë “e pistë”. Madje, drejtori teknik i klubit kampion, Ilirjan Përmeti, deklaron se sjellja e tifozëve të Partizanit ishte primitive. Në fakt, nga llogaritë e bëra, kanë qenë rreth 100 stola të thyer, pista me tartan ka pësuar disa dëmtime dhe më pas shumë xhama makinash dhe xhama shtëpish private janë thyer. Mërzitja e humbjes nuk justifikon asgjë dhe këta tifozë duhet të merren me futbollistët e tyre për aty turp. Në një deklaratë për shtyp pasditen e djeshme, drejtori teknik, Ilirjan Përmeti, ka thënë: “Nuk di nga t’ia filloj, por jemi vërtet të mërzitur për atë sjellje të tifozëve të Partizanit. I respektuam dhe për të mos i lënë jashtë në momentin e fundit, por nuk e dinim që kishim të bënim me “kafshë” dhe jo më njerëz. Përfundimisht, këta tifozë nuk mund t’i kulturosh më dhe ne nuk marrim përsipër t’i kulturojmë. Ata u ndjenë mirë me atë që bënë dhe me mënyrën primitive që zgjodhën të vepronin. Ata nuk bëhen qytetarë dhe kanë harruar që jemi në vitin 2015 dhe jo në vitin 1980, pasi vetëm atëherë bënin gjëra të tilla tifozët anglezë. Turp, vërtet turp për ta, por le ta mbajnë këtë turp. Në stadium vihet për të festuar dhe jo për dhunë, por me sa duket kultura vjen gjithmonë me vonesë në Shqipëri. Në një ndeshje futbolli nuk ka rëndësi kush fiton. Ishte një takim spektakolar në Korçë dhe është mëkat që pamë ato veprime të turpshme të tifozëve të Partizanit. Klubi ynë nuk do të kërkojmë asnjë dëmshpërblim për dëmet, pasi tifozë të tillë nuk bëhen më. Ata janë thjesht huliganë, që duhen ndaluar në stadiumet shqiptare për të ndjekur këtë lojë kaq të bukur. Korçarët në asnjë stadium nuk janë sjellë në këtë mënyrë dhe arsyeja është se janë të kulturuar dhe japin shembullin e duhur”. Dëmet që lanë pas tifozët e Partizanit shkojnë në mbi 2 milionë lekë.

Sponsored b
Previous articleLSI zyrtarizon 15 kandidaturat për Bashkitë, Meta porosi për zgjedhjet
Next articleAnalize shkencore mbi dëmet e mishit të derrit !?