Lajmet e fundit në lidhje me Izraelin dhe Hamasin: Irani i thotë Izraelit të ndalet para se të jetë vone

Irani ka paralajmëruar Izraelin që të ndalojë menjëherë “krime të luftës” kundër Gazës, në të kundërt do të përballet me “një tërmet të madh” të rezistencës.

Më shumë se 320 palestinezë janë vrarë në 24 orët e fundit, duke përfshirë shumë gra dhe fëmijë të vrarë në sulme ajrore izraelite në konvoje që po largoheshin nga qyteti i Gazës, sipas zyrtarëve të shëndetësisë.

Numri i viktimave po rritet ndërsa Izraeli vazhdon bombardimin e Gazës, një ditë pasi kishte kërkuar 1.1 milion banorë të drejtoheshin në jug përpara një sulmi të mundshëm tokësor pas sulmit të Hamasit në Izrael javën e kaluar.

Të paktën 2,215 palestinezë janë vrarë dhe 8,714 janë plagosur në sulmet ajrore izraelite në Gazë. Numri i të vrarëve në Izrael ka arritur 1,300, me mbi 3,400 të plagosur.

Në Bregun Perëndimor të pushtuar, numri i palestinezëve të vrarë nga zjarri izraelit në javën e kaluar ka tejkaluar 50. Mbi 1,000 janë plagosur dhe qindra të tjerë janë arrestuar.