Klubi i Kamzës ka vazhduar zyrtarizimet e afrimeve të futbollistëve për sezonin e ri, duke konfirmuar një tjetër element që do të jetë në dispozicion të trajnerit Bledar Devolli për këtë sezon. Pas Klevis Sadikut, klubit i është bashkuar edhe Majkël Peçi.
Mesfushori me tipare ofensive ka dalë nga akademia e Tiranës, ndërsa u bë për disa vite pjesë e klubit bardheblu duke luajtur edhe me ekipin e parë të skuadrës kryeqytetase. Në dy sezonet e fundit, ai u dha në huazim fillimisht nga bardheblutë te Sopoti, ndërsa më pas kaloi si futbollist i lirë në radhët e Korabit.
Peçi ka firmosur sot për dy vite me klubin e Kamzës, duke u vënë nën urdhrat e trajnerit Devolli për përgatitjet e sezonit të ri.