Tronditje në Greqi – Rrëfimi i errët i Eirini Mourtzoukou: Vrau katër fëmijë, përfshirë dy të sajtë- video

Një ngjarje e rëndë dhe tronditëse ka shokuar opinionin publik në Greqi. Një vajzë vetëm 25 vjeçare, Eirini Mourtzoukou, ka rrëfyer se është përgjegjëse për vrasjen e katër foshnjave – përfshirë dy fëmijët e saj biologjikë, motrën e vogël, si dhe një fëmijë të një mikeshë të saj.

Ngjarjet shtrihen në një periudhë 10-vjeçare, nga viti 2014 deri në vitin 2024, ndërsa rastet ishin fillimisht klasifikuar si vdekje natyrale apo aksidentale. Vetëm pas një hetimi të thelluar nga policia greke dhe Departamenti i Vrasjeve, doli në dritë e vërteta e tmerrshme.

Eirini fillimisht mohoi çdo përfshirje, por më pas pranoi para hetuesve:
“Po, unë e kam bërë. Pendohesha… dhe përsëri e bëja.”
Një rrëfim që ngriti akoma më shumë shqetësime për gjendjen e saj psikologjike dhe për mungesën e ndërgjegjes ndaj asaj që kishte bërë.

Viktimat e saj ishin:

• Motra e saj e vogël, e cila vdiq në moshën 18 muajshe.

• Një bebe 6-muajshe për të cilën kujdesej në vitin 2021.

• Vajza e saj 19-ditëshe që ndërroi jetë në vitin 2022.

• Vajza tjetër, që vdiq në spital në vitin 2023, në rrethana të paqarta.

Rasti më i fundit ishte në vitin 2024, ku dyshimet ranë mbi të për vdekjen e një djali 15-muajsh, bir i një mikeshë të saj – por këtë krim ajo e mohon ende.

Të gjitha rastet kishin një emërues të përbashkët: mungesë shenjash dhune, vdekje të shpejta dhe të pashpjeguara, të cilat vetëm një analizë më e thellë dhe një hetim psikologjik i çoi drejt zbulimit të së vërtetës së errët.

Sipas hetuesve, Eirini ka vepruar me vetëdije të plotë, pa ndjenja pendese reale. Ekspertët po vlerësojnë nëse bëhet fjalë për një çrregullim të rëndë mendor, ndërsa opinioni publik kërkon dënim të merituar.

Ajo aktualisht ndodhet në paraburgim dhe pritet të dalë para gjykatës në ditët në vijim, ku do të përballet me akuza të rënda për katër vrasje të foshnjave dhe një tentativë tjetër për vrasje.

Ky është një nga rastet më të errëta të krimeve familjare në historinë e Greqisë moderne – një histori që lë pa fjalë, me shumë pyetje pa përgjigje:
Si mund një nënë të vrasë fëmijët e saj? Si nuk u kuptua më herët? Dhe sa raste të tjera mbeten ende të pazbuluara?

🕯️ Greqia është në zi. Dhe shoqëria, e tronditur, kërkon drejtësi dhe reflektim.