“Tripletë” humbjesh për Guardiola-n, i mposht edhe Wolfsburgu në Superkupë

Superkupa e Gjermanisë kthehet në një makth për Pep Guardiola-n. Trajneri spanjoll vazhdon të dështojë në trofeun e parë sezonal, duke mos njohur ende shijen e fitores, në vitin e tretë radhazi të këtij kompeticioni. Në ‘Volkswagen Arena’, bavarezët u mposhtën nga Wolfsburg pas goditjeve nga pika e bardhe e penalltive. Koha e rregullt përfundoi në barazim 1-1, pas golave të shënuar nga Robben dhe Bendtner. Xabi Alonso ishte lojtari i vetëm që gaboi nga 11 metra distancë, duke e shndërruar Superkupën në një trofe të mallkuar për Guardiolën.